بھارتی کرکٹ بورڈ کی ہٹ دھرمی، پارٹنر شپ فارمولا بھی مسترد کر دیا

دبئی (آئی پی ایس )بھارتی کرکٹ بورڈ کی ہٹ دھرمی جاری ہے، اور بھارت نے پی سی بی کے پارٹنرشپ فارمولا سے بھی پیچھے ہٹ جانے کا فیصلہ کیا ہے۔ہائبرڈ ماڈل کی ضد کرنے والا بھارت اب چیمپئنز ٹرافی کے لیے پارٹنرشپ فارمولا قبول کرنے سے انکار کر رہا ہے۔
بھارتی میڈیا کی رپورٹ کے مطابق پی سی بی نے اگلے تین برسوں کے لیے نیوٹرل وینیو پر کھیلنے کا پلان پیش کیا تھا، اور پاکستان نے بھارت اور آئی سی سی سے تحریری ضمانت بھی مانگی تھی۔اس معاملے پر ایک دو روز میں بھارتی کرکٹ بورڈ کی میٹنگ بلائے جانے کا امکان ہے۔ یہ صورتحال دونوں ممالک کے درمیان کرکٹ کے تعلقات میں مزید پیچیدگی پیدا کر سکتی ہے۔