اسلام آباد انٹرنیشنل ائیر پورٹ پر چینی شہریوں کے لئے خصوصی امیگریشن کاونٹر قائم

اسلام آباد،اسلام آباد انٹرنیشنل ائیر پورٹ پر چینی شہریوں کے لئے خصوصی امیگریشن کاونٹر قائم کردیا گیا۔وزیر داخلہ شیخ رشید احمد نے سپیشل امیگریشن کاونٹر کا افتتاح کردیا۔خصوصی کاونٹر کے ذریعے چینی مسافروں کی تیز ترین امیگریشن ہوسکے گی۔ خصوصی کاونٹر کے ذریعے سی پیک ویزا ہولڈرز بھی استفادہ کرسکیں گے۔ خصوصی کاونٹر کا قیام وزیر داخلہ شیخ رشید احمد کی خسوصی ہدایت پر قائم کیا گیا ہے۔ وزارت داخلہ کی طرف سے سی پیک کی علیحدہ کیٹیگری کا ویزا بھی جاری کیا جارہا ہے۔ کاونٹر کے افتتاح پر ڈی جی ایف آئی اے بھی موجود تھے۔