اسلام آباد (سب نیوز )آرٹیکل 63 اے کی تشریح سے متعلق نظرثانی کیس،جسٹس منیب اختر نے رجسٹرار سپریم کورٹ کو ایک اور خط لکھ دیا،جسٹس منیب اختر نے آج کی سماعت کے حکمنامے کو غیر قانونی قرار دے دیا۔خط کے متن کے مطابق پانچ رکنی لارجر بنچ نے کیس کی سماعت کرنا تھی،چار رکنی بنچ عدالت میں بیٹھ کر آرٹیکل 63 اے سے متعلق نظرثانی کیس نہیں سن سکتا،آج کی سماعت کا حکم نامہ مجھے بھیجا گیا،حکمنامے میں میرا نام لکھا ہوا مگر آگے دستخط نہیں،بنچ میں بیٹھنے والے چار ججز قابل احترام ہیں مگر آج کی سماعت قانون اور رولز کے مطابق نہیں،اپنا موقف پہلے خط میں تفصیل سے بیان کر چکا ہوں،آج کی سماعت کے حکم نامے پر احتجاج ریکارڈ کرانا چاہتا ہوں،آج کی سماعت کا حکم نامہ جوڈیشل آرڈر نہیں، آرٹیکل 63 اے کی تشریح سے متعلق نظرثانی کیس کے حکمنامہ کی کوئی حیثیت نہیں۔
