اسلام آباد (سب نیوز) اسلام آباد ہائیکورٹ میں اسلام آباد میں ماڈل جیل کے قیام سے متعلق درخواست پر سماعت ہوئی ،
عدالت نے فریقین کو نوٹسز جاری کر کے جواب طلب کر لیا-
تفصیلات کے مطابق چیف جسٹس اسلام آباد ہائیکورٹ جسٹس عامر فاروق نے درخواست پر سماعت کی-
درخواست گزار کے وکیل اظہر صدیق عدالت میں پیش ہوئےـ
چیف جسٹس نے ریمارکس دیے کہ دس سال مجھے ہو گئے ہیں کچھ نہیں ہوا اب کیا امید رکھیں کیا ہو گا، میرے بعد کی ہی امید رکھیں؟
چوہدری افتخار کے دور میں یہ پراجیکٹ شروع ہوا تھا، 14 سال ہو گئے ہیں افتخار چودھری بنیاد بھی رکھ گئے تھے،
اڈیالہ جیل جانے میں سفر بہت ہے، جیل ٹرائل کے لیے جیل میں کورٹ روم ہونا چاہیے ، حاضری ویڈیو لنک کے ذریعے ہو جائے گی،
اظہر صدیق نے دلائل دیے کہ ماڈل جیل اس لیے ضروری ہے ایک کورٹ روم ہے اور دوسرا سکیورٹی کے مسائل ہیں حل ہو جائیں گے،
عدالت نے کیس کی سماعت 7 نومبر تک ملتوی کر دی،
