مشترکہ مفادات کونسل کا اجلاس ایک بار پھر ملتوی

اسلام آباد:مشترکہ مفادات کونسل (سی سی آئی) کا اجلاس ایک بار پھر ملتوی ہوگیا۔
وزیر اعظم شہباز شریف نے کل مشترکہ مفادات کونسل کا اجلاس طلب کر رکھا تھا، وزیراعظم اور دیگر ارکان کی مصروفیات کی وجہ سے اجلاس ملتوی ہوا۔
رپورٹ کے مطابق مشترکہ مفادات کونسل کے اجلاس کی نئی تاریخ کا اعلان جلد کیا جائے گا۔
واضح رہے کہ اس سے قبل 10 جولائی کو بھی مشترکہ مفادات کونسل کا اجلاس ملتوی کیا گیا تھا۔