لاہور (آئی پی ایس )گورنر خیبر پختونخوا فیصل کریم کنڈی نے چوہدری شجاعت حسین سیان کی رہائش گاہ پر ملاقات کی ہے۔اس ملاقات کے دوران وفاقی وزیر چوہدری سالک حسین، صوبائی وزیر شافع حسین بھی موجود تھے۔
چوہدری شجاعت حسین نے فیصل کریم کنڈی کو گورنر کا منصب سنبھالنے پر مبارک باد دی۔چوہدری شجاعت حسین نے کہا کہ وفاقی اور صوبائی حکومت میں ہم آہنگی اور رواداری کا قیام انتہائی ضروری ہے، صوبوں اور وفاق کے درمیان ورکنگ ریلیشن شپ کے اثرات سے عوام مستفید ہوں گے۔
