اسلام آباد(آئی پی ایس )الیکشن کمیشن نے پنجاب اسمبلی کے حلقہ پی پی۔54 ناروال میں پولنگ سٹیشن کے قریب میں ایک شخص کے جاں بحق ہونے کے افسوس ناک واقعہ پر رپورٹ طلب کرلی۔
ہفتہ کو ترجمان الیکشن کمیشن کی جانب سے جاری بیان کے مطابق چیف الیکشن کمشنر سکندر سلطان راجہ نے ڈسٹرکٹ پولیس آفیسر ناروال سے ٹیلی فون پر رابطہ کیا اور اس معاملے پر رپورٹ طلب کرتے ہوئے ذمہ داروں کے خلاف فوری طور پر سخت کاروائی کا حکم دے دیا ہے۔
