اسلام آباد کے ڈی چوک پر غزہ بچا و مارچ، شرکا کا کھلے آسمان تلے پانی اور کھجور سے افطار

اسلام آباد (آئی پی ایس ) ڈی چوک میں جماعت اسلامی نے فلسطینیوں سے اظہار یکجہتی کے لیے غزہ بچا مارچ کا انعقاد کیا، جس میں خواتین اور بچوں سمیت عوام کی بڑی تعداد نے شرکت کی، شرکا مارچ نے کھلے آسمان تلے پانی اور کھجور سے روزہ افطار کیا۔
مارچ کی قیادت جماعت اسلامی کے سینیٹر مشتاق احمد نے کی، احتجاج میں فلسطینیوں کے حق میں نعرے بازی بھی کی گئی اور شرکا نے غزہ میں فوری طور پر جنگ بندی کا مطالبہ کیا۔اس موقع پر سینیٹر مشتاق احمد کا کہنا تھا کہ حکومت غزہ کے زخمیوں کے انخلا میں کردار ادا کرے، شہدا کی تعداد میں آئے روز اضافہ ہو رہا ہے،، فلسطینیوں پر ظلم و ستم کا سلسلہ جاری ہے، سب کو مل کر آواز اٹھانی چاہیے۔غزہ بچا مارچ میں کسی بھی ہنگامی صورتحال سے نمٹنے کے لیے پولیس کی بھاری نفری بھی تعینات کی گئی، شرکا نے ڈی چوک پر کھلے آسمان تلے پانی اورکھجورسے روزہ افطار کیا اور نماز مغرب کے بعد دھرنا ختم کردیا گیا۔