پی ٹی آئی کا سندھ میں ہونیوالے سینیٹ انتخابات کے بائیکاٹ کا اعلان

کراچی (آئی پی ایس )پاکستان تحریک انصاف(پی ٹی آئی)نے سندھ میں ہونے والے سینیٹ انتخابات کے بائیکاٹ کا اعلان کر دیا۔

صدر پی ٹی آئی سندھ حلیم عادل شیخ نے کہا کہ موجودہ حکومت اس وقت اجتماعی قبر میں دفن ہونے جارہی ہے۔ ہم نے 180 سے زائد نشستیں پر کامیابی حاصل کی مگر ہماری زیادہ تر نشستیں چھین لی گئی۔ انہوں نے کراچی میں پریس کانفرنس کرتے ہوئے بتایا کہ ہم نے سینیٹ الیکشن میں حصہ لیا اور امیدوار اتارے۔ ہمارے سندھ سے 6 امیدوار سینیٹ الیکشن میں حصہ لے رہے تھے مگر اب ہم سینیٹ الیکشن میں سندھ سے حصہ نہیں لے رہے۔

انہوں نے کہا کہ سینیٹ کا الیکشن چوری سے جیتا جا رہا ہے، اسمبلی میں اس وقت فارم 45 والے ارکان نہیں۔ پی ٹی آئی رہنما نے یہ بھی کہا کہ ہمیں 8 فروری پر یقین ہے لیکن 9 فروری پر یقین نہیں۔واضح رہے کہالیکشن کمیشن کے مطابق سینیٹ انتخاب 2 اپریل کو ہوں گے۔