کراچی (نیوزڈیسک)متحدہ قومی موومنٹ پاکستان کے رہنما عبدالرؤف صدیقی اور نجیب ہارون بھی سینیٹ الیکشن سے دستبردار ہوگئے۔
کراچی میں الیکشن کمیشن آفس آنے کے موقع پر میڈیا سے گفتگو کرتے ہوئے عبد الرؤف صدیقی نے کہا کہ فیصل واوڈا کو سپورٹ کرنے کا پارٹی کا فیصلہ ٹھیک ہے۔
عبد الرؤف صدیقی نے کہا کہ فیصل واوڈا کے ساتھ بہت اچھے تعلقات رہے ہیں، وہ ایم کیو ایم کے امیدوار ہیں کہ نہیں یہ انہی سے پوچھا جائے۔
علاوہ ازیں نجیب ہارون کا کہنا ہے کہ پی ٹی آئی کراچی کا پہلا صدر تھا، 2018ء میں الیکشن لڑا، 20 ماہ بعد پتا چلا پارٹی راستے سے بھٹک رہی تھی مستعفی ہوگیا۔
نجیب ہارون نے کہا کہ 6 جنوری سے ایم کیو ایم کے ساتھ ہوں۔
متحدہ قومی موومنٹ پاکستان کے 2 رہنما سینیٹ الیکشن سے دستبردار
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔