نئی دہلی (سب نیوز )بھارت کی عام آدمی پارٹی (آپ) کے رہنما اور دہلی کے وزیراعلی اروند کیجریوال کو شراب پالیسی کیس میں گرفتار کرلیا گیا۔دہلی کے وزیراعلی کو نئی دہلی میں واقع ان کی رہائش گاہ سے انفورسمنٹ ڈائریکٹوریٹ نے گرفتار کیا۔بھارتی میڈیا کے مطابق اروندکیجریوال پر منی لانڈرنگ کے الزامات ہیں، ان پر بھارتی انفورسمنٹ ڈائریکٹوریٹ نے شراب پالیسی میں دھوکہ دہی سے متعلق منی لانڈرنگ کے الزامات عائد کیے ہیں۔
اروندکیجریوال نے انفورسمنٹ ڈائریکٹوریٹ کے سامنے پیش ہونے سے انکار کردیا تھا، انہیں آج بھی اس معاملے پر پوچھ گچھ کے لیے طلب کیا گیا تھا۔اس معاملے پر اپریل میں سی بی آئی بھی کیجریوال سیتحقیقات کرچکا ہے۔اروندکیجریوال نے گرفتاری سے بچنے کے لیے دہلی ہائی کورٹ سے رجوع کیا تھا تاہم عدالت نے ان کی حفاظتی ضمانت کی درخواست مسترد کردی۔
عام آدمی پارٹی کا کہنا ہیکہ بی جے پی کی قیادت عام آدمی پارٹی اور دیگر پارٹیوں کو جڑ سے ختم کرنا چاہتی ہے، کیجریوال پر الزامات کے پیچھے مودی کے سیاسی عزائم ہیں۔ عام آدمی پارٹی سے تعلق رکھنے والے نئی دہلی کے سابق نائب وزیراعلی منیش سیسوڈیا اور راجیہ سبھا (ایوان بالا) کے رکن سنجیسنگھ بھی منی لانڈرنگ کیس میں گرفتار ہوچکے ہیں۔
