اسلام آباد(سب نیوز) موٹروے ایم ون ، چھچہ انٹرچینج کے قریب کاروائی کرتے ہوئے موٹروے پولیس نے بھاری مقدار میں غیر قانونی (نان کسٹم پیڈ) 403 تھان کپڑا برآمد کر کے ایک ملزم گرفتار کر لیا ۔
ترجمان موٹروے پولیس کے مطابق مشکوک پک اپ کی اطلاع موٹروے پولیس کے پاس موجود تھی اور اس کی تلاش جاری تھی ۔ ابتدائی قانونی کاروائی مکمل کرنے کے بعد مزید قانونی کاروائی کے لیے برآمد شدہ کپڑا بما ملزم اور پک اپ کسٹم حکام کے حوالے کردیا گیا۔
