اسلام آباد(سب نیوز) ڈی جی اینٹی کرپشن پنجاب سہیل ظفر چٹھہ سمیت دیگر کی ضمانت منسوخی کی نیب درخواست پر سماعت چیف جسٹس پاکستان کی سربراہی میں تین رکنی بنچ نے کی۔
عدالت نے 30 کروڑ روپے کی مبینہ کرپشن کے مقدمہ میں ڈی جی اینٹی کرپشن پنجاب سہیل ظفر چٹھہ کے خلاف کیس ناقابل سماعت قرار دے دیا۔
عدالت نے مقدمہ غیر موثر ہونے کی بنیاد پر نمٹا دیا نیب نے ریفرنس 20 ستمبر 2022 کو اینٹی کرپشن لاہور کو بھجوا دیا ہے۔
اسپیشل پراسیکیوٹر نیب نے کہاکہ موجودہ کیس 50 کروڑ سے کم کرپشن کا ہے اور نیب کے دائرہ اختیار میں نہیں آتا۔
عدالت نے کہاکہ نیب ترامیم کے بعد لاہور کی احتساب عدالت نے ملزمان کے خلاف ریفرنس واپس بھجوا دیا۔
عدالت نے ریمارکس دیئے کہ مبینہ کرپشن کیس میں سہیل ظفر چھٹی سمیت ملزمان کی ضمانت منسوخی کی درخواستیں غیر موثر قرار دی جاتی ہیں،
نیب نے سہیل ظفر چٹھہ سمیت افسران کے ادوار میں بطور ڈی پی او گجرات کرپشن پر ریفرنس دائر کر رکھا تھا
