اسلام آباد: اقتصادی رابطہ کمیٹی کے اجلاس میں پنجاب میں چینی 95 روپے فی کلو فراہم کرنے کے فیصلے کی توثیق سمیت الیکٹرک بائیکس اور ای رکشہ سکیم کی منظوری دے دی گئی۔اقتصادی رابطہ کمیٹی کا اجلاس وزیر خزانہ اسحاق ڈار کے زیر صدارت ہوا، اجلاس میں کمیٹی کی جانب سے ہدایت کی گئی کہ پنجاب کی صوبائی پی ایس ایم اے 20 ہزار میٹرک ٹن چینی فراہم کرے گی دیگر صوبے بھی چینی کی کم قیمت پر دستیابی کو یقینی بنائیں۔اجلاس میں پی آئی اے کی حکومتی گارنٹی میں 15 ارب روپے سے زائد کا اضافہ کر دیا گیا
، انگور اڈہ کو افغانستان اور وسطی ایشیا کیلئے ایکسپورٹ لینڈ بنانے کی منظوری، وزارت ہاسنگ کیلئے 26 کروڑ 10 لاکھ روپے کی تکنیکی ضمنی گرانٹ کی منظوری دی گئی۔اقتصادی رابطہ کمیٹی کے اجلاس میں وزارت قومی صحت کیلئے 14 کروڑ 25 لاکھ روپے کی گرانٹ منظور کی گئی، ای سی سی نے الیکٹرک بائیکس اور ای رکشہ سکیم کی منظوری دے دی۔
وزیراعظم یوتھ بزنس اور زرعی لون سکیم کے تحت ای بائیکس اور رکشہ کیلئے قرضہ دیا جائے گا، ٹیئر ون کیٹگری کیلئے 5 لاکھ روپے تک کا قرضہ دیا جائے گا۔ وزارت خزانہ کے مطابق قرضہ صفر شرح سود پر تین سال کیلئے دیا جائے گا۔
