اسلام آباد(سب نیوز)سابق وزیر اعظم عمران خان کی 21 مارچ کو اسلام آباد ہائی کورٹ پیشی پر رجسٹرار نے سرکلر جاری کردیا۔اسلام آباد ہائی کورٹ نے ضلعی انتظامیہ کو سیکورٹی انتظامات کی ہدایت کردیں۔
سرکلر کے مطابق کورٹ روم نمبر 1 میں وکلاء اور صحافیوں کا داخلہ خصوصی پاس کے زریعے ہوگا،عمران خان کے ساتھ 15 وکلاء کو کمرہ عدالت جانے کی اجازت ہوگی۔
سرکلر کے مطابق اٹارنی جنرل اور ایڈوکیٹ جنرل آفس سے 10 وکلاء کمرہ عدالت جاسکیں گے،اسلام آباد ہائی کورٹ جرنلسٹس ایسوسی ایشن کے 30 ممبران کو کمرہ عدالت جانے کی اجازت ہوگی۔
سرکلر کے مطابق کمرہ عدالت میں داخلے کے لئے خصوصی پاس بنانے کے لئے 20 مارچ تک لسٹیں فراہم کرنے کی ہدایت کی گئی ہے جبکہ انتظامیہ کو خصوصی پاس اور ڈیپارٹمنٹ کارڈ ہونے والوں کو احاطہ عدالت سے نہ روکنے کی بھی ہدایت کی گئی ہے
سرکلر کے مطابق خصوصی پاسسز رکھنے والے افراد کو کمرہ عدالت نمبر ایک میں جانے کی اجازت ہوگی،اقدام قتل کے مقدمے میں عمران خان کی ضمانت کی درخواست پر 21 مارچ کو دن ڈھائی بجے سماعت ہوگی
