کرم ( نیوز ڈیسک ) شادی تقریب میں نامعلوم افراد کے دستی بم سے حملے میں14افراد زخمی ہو گئے۔
ذرائع کے مطابق واقعہ صدہ کے علاقے میں پیش آیا جہاں رات گئے شادی کی تقریب جاری تھی کہ نامعلوم افراد نے ہینڈ گرنیڈ پھینک دیا، ہیڈ گرنیڈ پھٹنے سے شادی میں شریک 14افراد زخمی ہو گئے۔
اطلاع ملنے پر امدادی ٹیمیں موقع پر پہنچ گئیں جنہوں نے تمام زخمیوں کو سول ہسپتال میں منتقل کردیا، ڈاکٹر کا کہنا ہے کہ تمام زخمیوں کا علاج ومعالجہ جاری ہے ، زخمیوں کی حالت خطرے سے باہر بتائی جاتی ہے۔
