وفاقی وزیر داخلہ شیخ رشید کے بڑے بھائی شیخ رفیق قمر انتقال کرگئے۔تفصیلات کے مطابق وزیر داخلہ شیخ رشیدنے سماجی رابطوں کی ویب سائٹ ٹویٹر پر بتایا کہ ان کے بڑے بھائی شیخ رفیق قمر انتقال کر گئے ان کی نماز جنازہ آج شام 6 بجے کوٹ رادھا کشن میں اداکی جائے گی۔صدر مملکت عارف علوی نے شیخ رشید کے بڑے بھائی شیخ رفیق قمر کے انتقال پر اظہار افسوس کرتے ہوئے گہرے رنج و غم کا اظہار کیا ہے۔انہوں نے مرحوم کی مغفرت اور اہلِ خانہ کیلئے صبر جمیل کی دعا کی اور کہا ہے کہ دکھ کی اس گھڑی میں اہلِ خانہ کے ساتھ ہوں۔وزیر اعلیٰ پنجاب سردار عثمان بزدار نے بھی وفاقی وزیر داخلہ شیخ رشید احمد کے بڑے بھائی لالہ شیخ رفیق قمر کے انتقال پر اظہار افسوس کیا ہے۔
انتہائی افسوس کے ساتھ اطلاع ہے کہ میرے بڑے بھائی لالہ شیخ رفیق قمر رضائے الہی سے انتقال کرگئے۔
ان کی نماز جنازہ آج بروز بدھ شام 6 بجے کوٹ رادھا کشن میں اداکی جائیگی-
آپ سب سے مرحوم کے لئے دعاؤں کا درخواست گزار ہوں۔
— Sheikh Rashid Ahmed (@ShkhRasheed) November 17, 2021
