وزیراعظم شہباز شریف کی زیرصدارت وفاقی کابینہ کا اہم اجلاس شروع، اہم آئینی و انتظامی فیصلے متوقع

اسلام آباد:وزیراعظم شہبازشریف کی زیرصدارت وفاقی کابینہ کااہم اجلاس شروع ہوگیاہے،اجلاس میں خیبرپختونخوا میں قیام امن اور گورننس سے متعلق اہم امور زیر غور آئیں گے۔
اجلاس میں خیبرپختونخوا میں امن وامان کی تشویشناک صورتحال اور بڑھتی ہوئی دہشتگردی کے واقعات کاجائزہ لیا جائے گا۔
ذرائع کےمطابق وفاقی کابینہ خیبرپختونخوا میں دہشتگردی کے واقعات، سیکیورٹی چیلنجز اور انتظامی صورتحال پرغورکرےگی،اجلاس میں صوبےکی صورتحال سےمتعلق پولیس اورحساس اداروں کی خصوصی رپورٹس بھی پیش کیے جانے کا امکان ہے۔
ذرائع کا کہنا ہےکہ اجلاس میں خیبرپختونخوا میں قیام امن اور گورننس سے متعلق اہم امور زیر غور آئیں گے، صوبے کی صورتحال پر اہم آئینی اور انتظامی فیصلے بھی متوقع ہیں۔