پشاور(آئی پی ایس )پاکستان تحریک انصاف کی قیادت بانی عمران خان کی آنکھوں میں تکلیف سے 9 فروری سے باخبر تھی۔ ذرائع کے مطابق یہ اطلاع پارٹی رہنما بیرسٹر محمد علی سیف کے ذریعے قیادت تک پہنچائی گئی۔ پارٹی ذرائع نے بتایاکہ بشری بی بی نے بانی پی ٹی آئی کی آنکھوں میں تکلیف سے متعلق بیرسٹر سیف کو آگاہ کیا تھا جس کے بعد انہوں نے یہ پیغام پارٹی کی قیادت تک پہنچایا تاہم پارٹی ذرائع کا دعوی ہے کہ بیرسٹر سیف کی بات کو قیادت کی جانب سے زیادہ اہمیت نہیں دی گئی۔
ذرائع کی جانب سے بتایا گیا ہے کہ بیرسٹر سیف نے بشری بی بی کے دیگر پیغامات بھی پارٹی قیادت تک پہنچائے تھے۔ ذرائع کے مطابق پارٹی کے بعض رہنما عمران خان کی آنکھوں کے معاملے پر جارحانہ مقف اختیار کرنے پر خوش نہیں ہیں۔دوسری جانب پارٹی کے رہنما بیرسٹر گوہر علی خان اور بیرسٹر محمد علی سیف سے اس حوالے سے رابطہ کیا گیا، تاہم دونوں رہنماں نے موقف دینے سے گریز کیا۔
واضح رہے کہ بانی پی ٹی آئی عمران خان کے آنکھوں کیمعائنہ سے متعلق میڈیکل رپورٹ سامنے آگئی ہے۔ رپورٹ کے مطابق بانی پی ٹی آئی کا معائنہ 15 فروری 2026 کو کیا گیا، پروفیسرز پر مشتمل ماہر امراضِ چشم کے میڈیکل بورڈ نے معائنہ کیا، میڈیکل بورڈ میں الشفا ٹرسٹ آئی اسپتال کے پروفیسر ڈاکٹر ندیم قریشی اورپمز اسلام آباد کے پروفیسر ڈاکٹر محمد عارف خان شامل تھے۔
رپورٹ میں کہا گیا ہے کہ عمران خان کی دائیں آنکھ کی بینائی عینک کے بغیر 6/24 پارشل ریکارڈ ہوئی جبکہ بائیں آنکھ کی بینائی 6/9 ریکارڈ کی گئی۔ رپورٹ کے مطابق عینک کے ساتھ دائیں آنکھ کی بینائی بہتر ہو کر 6/9 پارشل ہوگئی جبکہ بائیں آنکھ کی بینائی مکمل طور پر 6/6 ہوگئی۔
رپورٹ میں کہا گیا کہ دائیں آنکھ کے معائنے میں پردہ بصارت پر سوزش کے آثار پائے گئے ہیں، دائیں آنکھ کی سوجن میں کمی آئی ہے، دائیں آنکھ کی موٹائی 550 سے کم ہو کر 350 ہوگئی جو بہتری کی علامت ہے۔ دوسری جانب پی ٹی آئی قیادت نے پارلیمنٹ ہاس اور خیبرپختونخوا ہاس اسلام آباد میں دھرنے دے رکھے ہیں۔
