لاہور(آئی پی ایس )پاکستان نے 3 ٹی ٹوئنٹی میچوں کی سیریز کے دوسرے میچ میں آسٹریلیا کو 90 رنز سے شکست دے کر سیریز میں 0-2 کی فیصلہ کن برتری حاصل کرلی۔لاہور کے قذافی اسٹیڈیم میں کھیلیگئے میچ میں پاکستان کے کپتان سلمان علی آغا نے ٹاس جیت کر پہلے بیٹنگ کا فیصلہ کیا۔پاکستان نے مقررہ 20 اوورز میں 5 وکٹوں کے نقصان پر 198 رنز اسکور کیے۔سلمان آغا 76 رنز بناکر نمایاں رہے۔جواب میں آسٹریلیا کی ٹیم 16 ویں اوور میں 108 رنز بناکر آٹ ہوگئی۔
دوسرے ٹی ٹوٹنٹی میچ کے لیے پاکستان کی پلیئنگ الیون میں 3 تبدیلیاں کی گئیں۔عثمان طارق، فہیم اشرف اور نسیم شاہ کو پلیئنگ الیون میں شامل کیا گیا جبکہ شاہین شاہ آفریدی، سلمان مرزا اور فخر زمان کو آرام دیا گیا۔آسٹریلیا کے خلاف پاکستان کا آغاز اچھا نہ تھا، صاحبزادہ فرحان ایک بار پھر بڑی اننگز نہ کھیل سکے اور صرف 5 رنز بناکر آٹ ہوگئے۔صائم ایوب 23 اور بابر بھی 2 رنز پر پویلین لوٹے۔ ایسے میں کپتان سلمان علی آغا نے ذمہ درانہ اور برق رفتار اننگز کھیلی، انہوں نے 40 گیندوں پر 76 رنز بنائے۔
اس کے علاوہ عثمان خان نے بھی ففٹی اسکور کی اور وہ 36 گیندون پر 53 رنز پر آٹ ہوئے۔ شاداب خان 28 اور محمد نواز 9 رنز بناکر ناقابل شکست رہے۔ پاکستان کے 199 رنز کے ہدف کے جواب میں آسٹریلیا کی ٹیم گرین شرٹس کے اسپنرز کا سامنا نہ کرسکی اور یکے بعد دیگر وکٹیں گرتیں گئیں۔ ہدف کے تعاقب میں آسٹریلیا کی ٹیم 15.4 اوورز میں 108 رنز بناکر آٹ ہوگئی۔کیمرون گرین 35 اور میتھو شارٹ 27 رنز بناکر نمایاں رہے۔
پاکستان کی جانب سے ابرار احمد اور شاداب خان نے 3،3 وکٹیں حاصل کیں۔عثمان طارق نے 2، صائم ایوب اور محمد نواز نے ایک ایک کھلاڑی کو آٹ کیا۔یوں گرین شرٹس نے آسٹریلیا کو 90 رنز سے آٹ کلاس کرتے ہوئے 3 میچز کی سیریز میں 0-2 کی فیصلہ برتری حاصل کرلی۔ واضح رہے کہ پاکستان نے 7 سال بعد آسٹریلیا کو ٹی ٹوئنٹی سیریز میں شکست دی ہے۔
