اسلام آباد (سب نیوز)وزیراعظم شہباز شریف نے دسمبر 2025میں گزشتہ برس کے مقابلے ریکارڈ ترسیلات زر بھیجنے پر سمندر پار پاکستانیوں سے اظہار تشکر کیا ہے۔
اپنے بیان میں وزیراعظم شہباز شریف کا کہنا تھا کہ دسمبر 2025میں محب وطن سمندر پار پاکستانیوں نے 3 اعشاریہ6 ارب ڈالر کی ترسیلات زر بھیجیں جن پر انکے مشکور ہیں۔ ترسیلات زر میں گزشتہ برس کے مقابلے 16اعشاریہ5فیصد اضافہ سمندر پارمقیم پاکستانیوں کا حکومتی پالیسیوں پر اعتماد کا مظہر ہے۔
وزیراعظم نے کہا کہ سمندر پار پاکستانیوں کا پراپیگنڈے کو مسترد کرکے وطن کی تعمیروترقی کیلئے ترسیلات زر بھیجنا انکی اپنے ملک سے محبت کی اعلی مثال ہے۔ سمندر پار مقیم پاکستانی ہمارا قیمتی سرمایہ ہیں۔ مجھ سمیت پوری قوم کو ان پر فخر ہے، سمندرپار مقیم پاکستانیوں کی بہبود کیلئے اقدامات حکومت کی اولین ترجیحات میں شامل ہیں۔
