مظفرآباد: (آئی پی ایس) حکومت آزاد جموں و کشمیر نے چھ ارکان قانون ساز اسمبلی پر مشتمل پبلک اکاؤنٹس کمیٹی قائم کر دی۔
سابق وزیر خزانہ و رکن قانون ساز اسمبلی عبد الماجد خان کو چیئرمین پبلک اکاؤنٹس کمیٹی منتخب کیا گیا۔
آزاد جموں و کشمیر قانون ساز اسمبلی سیکرٹریٹ کے نوٹیفکیشن کے مطابق مسلم کانفرنس کے سردار عتیق احمد خان ، مسلم لیگ ن کے کرنل ریٹائرڈ وقار نور اور پاکستان پیپلزپارٹی کے چودھری محمد اکبرابراہیم، عاصم شریف بٹ اور تقدیس گیلانی پبلک اکاؤنٹس کمیٹی کے ارکان ہوں گے۔
چیئرمین پبلک اکاؤنٹس کمیٹی عبد الماجد خان کو وزیر کے برابر مراعات ملیں گی۔
