پشاور(آئی پی ایس )معاون خصوصی اطلاعات خیبرپختونخوا شفیع جان کا کہنا ہے کہ بانی پی ٹی آئی عمران خان کے سوشل میڈیا اکا ئونٹ کو ہم بالکل اون کرتے ہیں۔شفیع جان کا کہنا تھا کہ بانی پی ٹی آئی کی فیملی کو آج عدالت میں جانے نہیں دیا گیا۔شفیع جان کا کہنا تھا کہ ہم سیاسی مذاکرات پر یقین رکھتے ہیں لیکن اس ماحول میں بات چیت نہیں ہوسکتی، ہم ان کے ساتھ کوئی بات نہیں کرنا چاہتے ، ہم کس بات پر معافی مانگیں؟
معاون خصوصی اطلاعات خیبرپختونخوا کا کہنا تھا کہ ہم سمجھتے ہیں کہ جو حکومت کا حصہ ہیں وہ فریق ہیں، سمجھتے ہیں حکومت میں شامل جماعتیں فریق ہیں تو ان کو کانفرنس میں نہیں بلانا چاہیے۔ انہوں نے کہا کہ عطا تارڑ کا مینڈیٹ کیا ہیکہ ہم ان سے بات کریں، یہ 17 سیٹوں پر آئے ہیں۔
