بھارتی قید سے رہائی کے بعد 3پاکستانی شہری وطن واپس پہنچ گئے

لاہور (سب نیوز)بھارتی قید سے رہائی کے بعد تین پاکستانی شہری وطن واپس پہنچ گئے ہیں۔پاکستانی ہائی کمیشن کے ترجمان کے مطابق رہائی پانے والے شہریوں کے نام اصغر علی، رمضان اور محمد ادریس ہیں، جو واہگہ اٹاری سرحد کے ذریعے پاکستان آئے۔
ترجمان نے بتایا کہ پاکستانی ہائی کمیشن بھارت میں موجود تمام پاکستانی قیدیوں کی رہائی کے لیے کوششیں جاری رکھے گا تاکہ باقی قیدی بھی جلد اپنے اہل خانہ سے مل سکیں۔
پاکستانی ہائی کمیشن کی ٹیم نے واہگہ اٹاری پر قیدیوں کو خوش آمدید کہا اور ان کی وطن واپسی کے عمل کو سہولت فراہم کی۔حکام کا کہنا ہے کہ حکومت پاکستان اور ہائی کمیشن بھارت میں موجود پاکستانی شہریوں کے حقوق اور سلامتی کے لیے مستقل رابطے میں رہتے ہیں۔یہ واقعہ دوطرفہ تعاون اور قیدیوں کے مسائل کے حل کے لیے جاری کوششوں کی کامیابی کے طور پر دیکھا جا رہا ہے، شہریوں کے اہل خانہ نے بھی وطن واپسی پر خوشی کا اظہار کیا۔