تحریر امبرین علی
سردیوں کی آج پہلی بارش ہوئی ،یوں لگا جیسے برسوں بعد کوئی لوٹ آیا ہو ،یوں لگا جیسے سردی نے خاموش دستک دے کر ڈیرے ڈال دیے ہوں۔جی ہاں اسلام آباد میں جب آج تقریبا ایک ماہ بعد بارش ہوئی تو سب چونک گئے کیونکہ صبح کے وقت بادلوں کا نام و نشان نہ تھا مگر اچانک ہوا نے رخ بدلا ،بادل آئے برسے ،ساتھ میں سفید موتیوں نے بھی ایک الگ سا سماں باندھا ،شاید آپ سوچ رہے ہیں کہ سفید موتی کیا ہیں ۔جناب سفید موتی سے مراد ژالہ باری ہے ،ژالہ باری اتنی خاموشی سے ہوئی کہ ساتھ میں سردی کو بھی دعوت دے دی۔۔
آج صبح سے ہی موسم کی ادا کچھ بدلی سی تھی اسلام آباد کے موسم کی خاص بات یہی ہے کہ یہاں صبح موسم کچھ ہوتا تو دوپہر کو کچھ اور ،سردی ہو یا گرمی ہو بارش کبھی بھی دستک دیتی ہے ۔ایسا ہی آج ہوا اسلام آباد میں سردیوں کو ویلکم کرنے بارش آئی یوں تو سردی آہستہ آہستہ اپنے قدم جما ہی رہی تھی اکتوبر سے لے کر اب تک بارش نہ ہونے کے باوجود صبح اور شام کے اوقات میں سردی کی شدت کو محسوس کیا جا رہاتھا تا ہم دن کے اوقات میں موسم نارمل ہی رہا مگر یہ جو آج پہلی سرما کی بارش ہوئی ہے اس نے سب بدل دیا وہ دن کے اوقات میں موسم کا نارمل رہنا بارش کو ایک آنکھ نہ بھایا اور یوں سردی کی آمد ہو گئی ،خاموش ژالہ باری نے سب بدل دیا وہ کہتے ہیں “نہ ژالے کی ہلکی لپیٹ میں خاموش پیغامِ بُردِ سردی،
درخت کہہ رہے ہیں — تھم جاو، یہ موسم بدل گیا۔اور جب ژالہ باری ہو جائے تو فضا کا ملبوس تبدیل ہو جاتا ہے گرم ہوا کی جگہ ٹھنڈی ،دھیمی روشنی ،سرد چپ سے مراد صرف سردی کا محسوس ہونا نہیں بلکہ سکون بھی سردی ہے ۔
بہر حال اب سردی کا چونکہ آغاز ہو گیا ہے تو اننے میں یہ بھی آیا ہے کہ اس سال سردی کی شدت گزشتہ سال سے زیادہ ہو گی ،گرمیوں میں تو آپ نے دیکھ لیا کہ کتنے سیلاب آئے اور بارشیں معمول سے زیادہ ہوئیں ،اب موسمیاتی تبدیلیوں نے جسطرح سے اپنا رنگ دکھایا ہے تو ایسے میں سردی کی شدت کے لیے بھی شہری تیار رہیں ۔کیونکہ موسموں کی یہ تبدیلی گرمی ہو یا سردی اسمیں مختلف دیکھنے کو مل رہی ہے ۔
سردیوں کی آمد چونکہ ہو چکی ہے اسلیے اب ضروری ہے کہ تمام اقدامات کو بھی بروئی کار لایا جائے ،جیسے گرم کپڑوں کا انتخاب،دھند یا سموگ کے مسائل بھی ہو سکتے ہیں تو ضروری ہے کہ ڈرائیونگ بھی خاص دھیاں رکھا جائے۔
