اسلام آباد (سب نیوز)ریاستی اداروں پر الزامات اور فیک نیوز کا معاملہ،پی ٹی آئی رہنما شاندانہ گلزار کیخلاف مقدمہ درج کر لیا گیا ۔ مقدمہ نیشنل سائبر کرائمز انویسٹی گیشن ایجنسی نے درج کیا ہے، شاندانہ گلزار پر صنم جاوید کی گرفتاری سمیت ریاست مخالف دیگر اقدامات کو سوشل میڈیا پر پوسٹ کرنے کے الزامات ہیں۔
شاندانہ گلزار نے سوشل میڈیا پر فیک اور من گھڑت نیوز بھی پوسٹ کیں، نیشنل سائبر کرائم انویسٹی گیشن ایجنسی نے ایف آئی آر درج کرکے باقاعدہ تحقیقات شروع کردیں ، یہ تحقیقات سوشل میڈیا پر جان بوجھ کر پھیلائی جانے والی جھوٹی معلومات اور نفرت انگیز مہمات کے خلاف کی گئی ہے۔حکومتی ذرائع کے مطابق ریاست نے ان افراد کو جوابدہ ٹھہرانا شروع کر دیا ہے جو ملکی استحکام کو نقصان پہنچانے والی جھوٹی کہانیاں پھیلاتے ہیں۔
