پاکستان کا اقوام متحدہ سے 565ارب 70کروڑ ڈالر کلائمیٹ فنانسنگ کا مطالبہ

اسلام آباد (سب نیوز)پاکستان نے اقوام متحدہ کو 2035تک کے نئے قومی ماحولیاتی اہداف بتا دیئے، مقصد کے حصول کیلئے 565ارب 70 ڈالر کلائمیٹ فنانسنگ کا مطالبہ بھی کیا گیا ہے۔
دستاویز کے مطابق 2035تک پاکستان کاربن کا اخراج 2559سے کم کرکے 1280ملین ٹن تک لے آئیگا، کاربن کے اخراج میں اپنے وسائل سے 17فیصد کمی کی جائیگی جبکہ 35فیصد کمی 565ارب 70کروڑ ڈالر کی فنانسنگ اور ٹیکنالوجی فراہمی سے مشروط ہے ۔ اگلے10سال کے دوران پاکستان میں 38ہزار میگاواٹ قابل تجدید اور صاف توانائی کی شمولیت متوقع ہے۔ دستاویز کے مطابق پاکستان میں 2030تک 30فیصد نئی گاڑیاں الیکٹرک ہونگی، 3ہزار الیکٹرک چارچنگ اسٹیشنز قائم کرنا بھی اہداف میں شامل ہے۔