پاکستان میں سونے کی قیمت آج مزید کم ہوگئی

کراچی (آئی پی ایس) عالمی و مقامی گولڈ مارکیٹس میں سونے کی قیمتوں میں مسلسل دوسرے روز کمی ریکارڈ کی جارہی ہے۔
آل پاکستان صرافہ جمز اینڈجیولرزایسوسی ایشن کےمطابق پاکستان میں 24 کیرٹ فی تولہ سونے کے دام ایک ہزار روپے کم ہوکر 395800 روپے پر آگئے۔
اس کے علاوہ دس گرام سونے کے بھائو 858 روپےکی کمی سے 339334 روپے رہے،جبکہ فی تولہ چاندی کی قیمت 64 روپے کم ہو کر 4599 روپے پر آگئی۔
انٹرنیشنل گولڈ مارکیٹ میں فی اونس سونا 10 ڈالر سستا ہوکر 3740 ڈالر پر آ گیا۔