اسلام آباد(سب نیوز )چیئرمین سی ڈی اے محمد علی رندھاوا کی ہدایت پر ممبر ایڈمن طلعت محمود کی زیر نگرانی سی ڈی اے متحرک، مون سون سیزن کا آغاز ، کسی بھی ناگہانی صورتحال سے نمٹنے کے لیے تمام ممکنہ تیاریاں مکمل، سی ڈی اے نے مون سون سیزن کی مناسبت سے خصوصی پلان مرتب کر لیا، خصوصی پلان کے تحت فلڈ ریلیف کیمپ اور دیگر حفاظتی اقدامات کو یقینی بنایا جائے گا
فلڈ ریلیف سیل یکم جولائی سے 30 ستمبر تک قائم رہے گا، فلڈ ریلیف سیل کی سربراہی ڈائریکٹر ایمرجنسی اینڈ ڈیزاسٹر منیجمنٹ کرینگے، ریلیف سیل کے لیے خصوصی ہیلپ لائن قائم کی جائے گی، ریسکیو اور فائر بریگیڈ کی ہیلپ لائن سے بھی مدد کی جائے گی، ریلیف کیمپ میں تمام متعلقہ شعبوں کے سربراہ اپنا فوکل پرسن تعینات کرینگے، شعبہ صفائی بھی ریلیف کیمپ کے ماتحت اپنا آپریشن شروع کریگی، کچے گھر اور غیر قانونی تعمیرات کے خلاف خصوصی آپریشن کیا جائے گا، غیر قانونی تہہ خانوں اور نشیبی علاقوں کا سروے مکمل کر کے خصوصی ٹیمیں تعینات کی جائینگی
سی ڈی اے ہسپتال میں ہنگامی حالات سے نمٹنے کے لیے ٹیمیں سٹینڈ بائی رہیں گی، سملی اور راول ڈیم میں پانی کے اتار اور چڑھاو کی رپورٹ روزانہ کی بنیاد پر شیئرکی جائے گی۔تمام تر پلان پر عملدرآمد یقینی بنانے کیلئے ممبر ایڈمن سی ڈی اے نے نوٹیفکیشن بھی جاری کر دیا جس میں کہا گیا کہ شہر کے تمام قبرستانوں ، چار دیواری اور خستہ حال قبروں کا خصوصی جائزہ لیا جائے اور مرمت کی جائے، کسی بھی ہنگامی صورتحال سے نمٹنے کیلئے چالیس افراد کی موبائل ٹیمیں سٹینڈ بائی رکھی جائے ۔
