اسلام آباد (سب نیوز)مودی سرکار کے ماتھے پر ناکامی کا ایک اور داغ لگ گیا، جس میں اس کے من گھڑت جنگی کارناموں کو عالمی سطح پر مسترد کردیا گیا ہے۔عالمی ماہرین کی جانب سے مودی سرکار کے خود ساختہ جنگی کارنامے سختی کے ساتھ مسترد کردیے گئے ہیں۔ اس سلسلے میں معروف امریکی ماہر امورِ سکیورٹی پروفیسر کرسٹین فیئر نے بھارتی میڈیا کے پروپیگنڈے کو بے نقاب کر دیا ہے۔
مودی سرکار کی جھوٹی کامیابیوں کا بھانڈا عالمی میڈیا میں پھوٹنے لگا، جس سے بھارتی دعوے من گھڑت ثابت ہو رہے ہیں۔ بھارت کی جانب سے پاکستان ایئر فورس کو 20 فیصد نقصان کا دعوی بھی جھوٹ ہی کا شاہکار ثابت ہوا۔پروفیسر کرسٹین فیئر کے مطابق اس بات کے واضح شواہد موجود ہیں کہ بھارت نے پاکستان کے مقابلے میں 5 جنگی طیارے کھوئے۔ ایسے کوئی شواہد موجود نہیں کہ پاکستان ایئر فورس کو کوئی بڑا نقصان پہنچا ہو۔
بھارتی میڈیا کے 20 فیصد نقصان کے دعوے پر حیرت زدہ ہوں۔اسی طرح بھارتی سیٹلائٹ تصاویر بھی مودی سرکار کا ایک اور فریب ثابت ہوئی، جسے عالمی ماہرین نے مسترد کر دیا۔ بھارتی پروپیگنڈا بری طرح بے نقاب ہو چکا ہے کیوں کہ پاکستان کے ہوائی اڈے مکمل طور پر فعال اور محفوظ ہیں۔مودی سرکار جھوٹے بیانیے کے سہارے عالمی برادری کو گمراہ کرنے میں ناکام ثابت ہو رہی ہے۔ آپریشن بنیان مرصوص میں پاکستان کی شاندار فتح سے مودی سرکار کا مکروہ چہرہ دنیا کے سامنے عیاں ہو گیا ہے۔
