اسلام آباد(سب نیوز)سی ڈی اے نے ایف 8طیب اردوان انٹرچینج سے متعلق حالیہ سوشل میڈیا رپورٹس کے بارے میں وضاحت کرتے ہوئے کہا ہے کہ یہ ایک روٹین کا مینٹیننس کا کام ہے جو سی ڈی اے کے اعلی معیار اور پروٹوکولز کے تحت اس منصوبے کی دیرپا مضبوطی اور حفاظت کو یقینی بنانے کیلئے کیا گیا ۔
مینٹیننس کا کام اتوار کی شام تک مکمل کر لیا گیا اور اس کو اتوار کی شام ٹریفک کیلئے مکمل کھول دیا گیا تا کہ شہریوں کو کسی بھی کسی قسم کی پریشانی کا سامنا نہ کرنا پڑے۔ سی ڈی اے پبلک سیفٹی اور انفراسٹرکچر کے معیار کو ترجیح دیتا ہے۔ انٹرچینج مکمل طور پر فعال ہے،سی ڈی اے شہریوں کو یقین دلاتا ہے کہ مینٹیننس جیسے اقدامات ہمارے پیشگی اقدامات کی عکاسی کرتے ہیں۔ سی ڈی اے معیاری انفراسٹرکچر فراہم کرنے اور عوام کے اعتماد کو برقرار رکھنے کیلئے پرعزم ہے۔
