مخلوط نہیں قومی حکومت بنے گی، فواد چودھر ی

راولپنڈی(نیوزڈیسک) سابق وفاقی وزیر فواد چودھر ی نے حکومت سازی کیلئے سیاستدانوں کی بھاگ دوڑ پر ردّ عمل دیتے ہوئےکہا ہے کہ مخلوط حکومت نہیں قومی حکومت بنے گی۔
تفصیلات کے مطابق اینٹی کرپشن عدالت راولپنڈی میں فواد چودھر ی نے میڈیا سے گفتگو میں کہا کہ جس طرح کے انتخابات ہوئے ہیں حالات سب کے سامنے ہے، آسٹریلیا امریکا سمیت پوری دنیا نے انتخابات پر سولات اٹھائے ہیں۔
انہوں نے کہا کہ پی ٹی آئی پر پابندی نہیں، وہ قانونی اور آئینی طور پر اپنا فیصلہ کرسکتی ہے۔
انہوں نے اپنا خیال ظاہر کرتے ہوئے کہا کہ قومی حکومت بنانی چاہیے، کوئی حکومت اکیلے مسائل سے نہیں نمٹ سکتی۔
آج فواد چودھر ی کو اڈیالہ جیل سے اینٹی کرپشن کی عدالت پیش کیا گیا، فاضل جج کے چھٹی پر ہونے کے باعث سماعت 22 فروری تک ملتوی کردی گئی۔
یاد رہے کہ فواد چودھر ی پر نجی ہاؤسنگ سوسائٹی میں کروڑوں روپے مبینہ کرپشن کا الزام ہے۔