اسلام آباد ،سپریم کورٹ کے حکم پر ایف آئی اے سے مزید 4افسران نوکریوں سے برطرف کر دیئے گئے، افسران کی برطرفی کا نوٹیفکیشن بھی جاری کر دیا گیا ہے ۔
تفصیلات کے مطابق سپریم کورٹ کے حکم پر ایف آئی اے میں نوکریوں سے نکالے گئے افسران میں سے ایک اسسٹنٹ ڈائریکٹر اکرم علی شاد وفات پا چکے ہیں جبکہ ایک اسسٹنٹ ڈائریکٹر ساجد مصطفی باجوہ پہلے ہی نومبر 2020میں نوکری سے نکالے جا چکے ہیں ۔ علاوہ ازیں ایف آئی اے سے برطرف کئے گئے گریڈ 17 کے دو اسسٹنٹ ڈائریکٹرز زبیر احمد پیچوہو اور سہیل عارف اعوان شامل ہیں ۔افسران کو نوکریوں سے نکالنے کا نوٹیفکیشن ڈی جی ایف آئی اے کی طرف سے جاری کیا گیا ہے۔
