بشریٰ بی بی نے بھی توشہ خانہ سے متعلق نیب تحقیقات کو چیلنج کردیا

لاہور:سابق وزیراعظم عمران خان کے بعد ان کی اہلیہ بشریٰ بی بی نے بھی توشہ خانہ سے معلق نیب کی تحقیقات کو اسلام آباد ہائیکورٹ میں چیلنج کردیا۔
سابق خاتون اول بشریٰ بی بی کی جانب سے توشہ خانہ کے تحائف سے متعلق نیب کی تحقیقات اسلام آباد ہائیکورٹ میں چیلنج کردی گئیں۔
سابق وزیراعظم کی اہلیہ بشریٰ بی بی کی جانب سے دائر درخواست میں نیب نوٹسز کو چیلنج کیا گیا ہے۔
درخواست گزار نے استدعا کی ہے کہ نیب کو کیس انکوائری سے انویسٹی گیشن میں تبدیل کرنے سے روکا جائے، بشریٰ بی بی کا کہنا ہے کہ نیب کو میرے خلاف کسی بھی تادیبی کارروائی سے روکا جائے۔
اس سے قبل پی ٹی آئی چیئرمین عمران خان بھی توشہ خانہ تحائف سے متعلق نیب تحقیقات کو چیلنج کرچکے ہیں۔