اسٹیبلشمٹ غیر سیاسی ہے تو ایم کیو ایم کے دھڑوں کو اکٹھا کون کر رہا ہے؟ حافظ نعیم الرحمان

امیر جماعت اسلامی کراچی حافظ نعیم الرحمان کا کہنا ہے کہ اسٹیبلشمٹ غیر سیاسی ہے تو ایم کیو ایم کے دھڑوں کو اکٹھا کون کر رہا ہے؟ زردای ٹیسوری ڈاکٹرائن پر کیسے عمل ہو رہا ہے، یہ پروجیکٹ فیل ہوگا۔ ساجھے کی ہنڈیا بیچ چوراہے پر پھوٹتی رہے گی۔
رہنما جماعت اسلامی نے کہا کہ سندھ میں ریکارڈ پرفارمنس نہیں ریکارڈ کرپشن ہے۔ پیپلزپارٹی 2008 سے اقتدار میں ہے آج تک کراچی کو کے فور منصوبہ نہیں دے سکی۔انہوں نے کہا کہ پیپلزپارٹی کی کی پرفارمنس یہ ہے کہ کراچی میں سڑکیں تباہ ہیں اور نلوں میں پانی نہیں آتا۔ سندھ میں پرفارمنس نہیں ریکارڈلوٹ ماری جاری ہے۔