سینیٹ انتخابات،کاعذات نامزدگی جمع کرنے کی تاریخ میں پیر تک توسیع

اسلام آباد،سینیٹ الیکشن کیلئے کاغذات نامزدگی جمع کروانے کا وقت بڑھا دیا گیا ہے، کاغذات نامزدگی 15 فروری تک جمع کروائے جا سکیں گے جبکہ نامزد امیدواروں کی فہرست 16 فروری کو جاری کی جائے گی۔ پاکستان پیپلزپارٹی کے رہنما وسابق وزیراعظم یوسف رضا گیلانی آج 2بجے کاغذات جمع کرائیں گے ۔سینیٹ میں اسلام سے الیکشن میں حصہ لینے کے لیے آج کاغذات جمع کروائیں۔سینیٹ امیدواروں کی آمد کا سلسلہ جاری ہے۔ شام پانچ بجے تک امیدواران اپنے کاغذات جمع کرواسکیں گے۔ 3مارچ کو انتخابی دنگل سجے گا۔الیکشن کمیشن پنجاب آفس میں سینیٹ انتخابات کے امیدواروں کی آمد کا سلسلہ آج بھی جاری ہے۔ گذشتہ روز چالیس امیدواروں نے کاغذات حاصل کئے، جبکہ مسلم لیگ ق کے رہنما کامل علی آغا اور تحریک انصاف کے جمشید اقبال چیمہ نے کاغذات نامزدگی جمع کروائے۔کاغذات نامزدگی کی جانچ پڑتال 17 تا 18 فروری ریٹرننگ افسران کے دفاتر میں ہوگی۔ کاغذات منظور یا مسترد کئے جانے کے فیصلوں کیخلاف ٹربیونل میں اپیل کرنے کی تاریخ 20 فروری مقرر کی گئی ہے۔ اپیلوں پر فیصلہ 23 فروری کو ہوگا۔امیدواروں کی حتمی فہرستیں 24 فروری کو آویزاں کی جائیں گی۔ کوئی بھی امیدوار 25 فروری تک مقابلے سے دستبردار ہوسکے گا۔ سینیٹ کے انتخابات کیلئے پولنگ 3 مارچ کو ہوگی۔