حیدرآباد دکن میں موجود پاکستانی کرکٹ اسکواڈ کے کھانے کا مینیو سامنے آگیا

حیدرآباد:آئی سی سی ورلڈکپ 2023 کیلئے حیدرآباد میں موجود پاکستانی کرکٹ اسکواڈ کے کھانے کا مینیو سامنے آگیا۔ بھارتی میڈیا کے مطابق پاکستانی اسکواڈ سمیت تمام ٹیموں کے لیے بیف دستیاب نہیں ہوگا، پاکستانی ٹیم کے مینیو میں چانپے، مٹن کڑاہی، بٹر چکن اور گرلڈ فش شامل ہے۔ بھارتی میڈیا کا کہنا ہے کہ پاکستانی دستے کے مینیو میں حیدرآباد کی مشہور بریانی جب کہ روزانہ کی بنیاد پر پروٹین والے کھانوں میں مٹن، چکن، اور مچھلی شامل ہوگی۔بھارتی میڈیا کے مطابق پاکستانی ٹیم نے اسٹیڈیم منتظمین سے باستمی چاول، بولوگنیز ساس کیساتھ اسپیگٹیز اور سبزی پلا کی فرمائش کی۔ واضح رہے کہ پاکستان ٹیم حیدرآباد دکن میں تقریبا 2 ہفتوں تک قیام کرے گی۔