کراچی: پاکستانی تاریخ کی مہنگی ترین فلم ’دی لیجنڈ آف مولا جٹ‘ کی ٹیم نے تشہیر کا منفرد انداز اپناتے ہوئے شوٹنگ کے دوران کی تصاویر بھی شیئر کردیں۔
دی لیجنڈ آف مولاجٹ طویل انتظار کے بعد 13 اکتوبر کو پاکستانی سینما گھروں کی زینت بنے گی، کورونا وبا سمیت دیگر وجوہات کے بنا پر فلم کی ریلیز طویل تاخیرکا شکا رہی۔فلم کی تشہیر کیلئے حال ہی میں شوٹنگ کے دوران ریکارڈ کئے جانے والے دلچسپ مناظر بھی سوشل میڈیا پر وائرل ہورہے ہیں۔
مرکزی کرداروں کی پرفارمنس کے دوران یا اس سے پہلےاور بعد کے مناظر فلم بینوں کی بے چینی میں مزید اضافےکا سبب بن رہے ہیں.شوٹنگ کے دوران ماہرہ خان اور ٖفواد خان کی تصویریں وائرل ہوئیں تو کہیں حمزہ علی عباسی کرئیو ممبرز کے ساتھ گھومتے نظر آرہے ہیں یا سیٹ پر اپنے کاسٹیوم میں پرفارم کرتے دکھائے دے رہے ہیں۔
فلم کی عکس بندی دوران کاسٹیومز میں مختلف تصاویر اور شوٹنگ کی مناسبت سے لئے پوز بھی خوب وائرل ہیں ۔فلمسازوں کی رائے میں دی لیجنڈ آف مولاجٹ نہ صرف پنجابی بلکہ پاکستانی سینما کے لیے ایک نیا سنگ میل ثابت ہوگی۔منفرد سیٹ پر بننے والی فلم کے مرکزی کرداروں کے علاوہ فلم میں شامل دیگر کاسٹ بھی فلم بینوں کی دلچسپی کا باعث ہے۔
