امریکی صدارتی انتخابات: ریما نے ووٹ کاسٹ کر دیا

واشنگٹن:لالی ووڈ کی ماضی کی معروف اداکارہ ریما نے امریکا میں جاری انتخابات میں اپنا ووٹ کاسٹ کر دیا۔
فوٹو اینڈ ویڈیو شیئرنگ پلیٹ فارم انسٹاگرام پر اداکارہ نے ووٹ ڈالنے کے بعد اپنے شوہر کے ہمراہ تصویر شیئر کی ہے۔
انہوں نے اپنی پوسٹ کے کیپشن میں بتایا کہ انہوں نے اپنے شوہر کے ساتھ امریکی صدارتی انتخابات میں اپنا ووٹ ڈال دیا ہے۔
اس کے ساتھ ہی انہوں نے یو ایس الیکشن، ووٹ 2024ء کے ہیش ٹیگ کا بھی اضافہ کیا ہے۔
ماضی کی اداکارہ نے اس حوالے سے مختلف انسٹا اسٹوریز بھی شیئر کی ہیں جن میں انہیں ووٹ کاسٹ کرتے ہوئے دیکھا جا سکتا ہے۔
ریما نے یہ تو بتا دیا کہ انہوں نے اپنے شوہر ڈاکٹر طارق کے ہمراہ امریکی صدارتی انتخابات میں اپنا حقِ رائے دہی استعمال کر لیا ہے لیکن انہوں نے یہ نہیں بتایا کہ انہوں نے کسے ووٹ دیا ہے۔
خیال رہے کہ امریکا میں گزشتہ روز (5 نومبر کو) 47 ویں صدراتی انتخابات کا انعقاد ہوا، جس کے سلسلے میں اب پولنگ ختم ہو چکی ہے۔50 امریکی ریاستوں میں سے 43 کے نتائج سامنے آ گئے ہیں۔
امریکی صدارتی انتخاب میں اب تک 538 میں سے ریپبلکن امیدوار ڈونلڈ ٹرمپ نے 248 اور ڈیموکریٹ امیدوار کملا ہیرس نے 216 الیکٹورل ووٹ حاصل کر لیے ہیں۔
واضح رہے کہ کسی بھی امیدوار کو جیت کے لیے کل 538 میں سے کم از کم 270 الیکٹورل ووٹ درکار ہوں گے۔