زرعی ترقیاتی بینک کے صدر کیلئے امیدواروں سے درخواستیں طلب

وزارت خزانہ نے زرعی ترقیاتی بینک کے صدر کیلئے امیدواروں سے درخواستیں طلب کرلیں۔
وزارت خزانہ نے زرعی ترقیاتی بینک کے نئے صدر کے عہدے کے خواہشمند امیدواروں کیلئے شرائط بھی عائد کی ہے۔شرائط کے مطابق صدر بننے کے خوہشمند کی عمر 40 سے 62 سال کے درمیان ہو، اس کی تعلیمی قابلیت کم از کم گریجویٹ ہو اور اس عہدے کیلئے بینکنگ کے شعبے میں کام کا تجربہ لازمی ہو۔
اس کے علاوہ امیدوار کیلئے اسٹیٹ بینک کے طے کردہ معیار پر اترنا لازمی ہے۔وزارت خزانہ نے کہا ہے کہ امیدوار اگلے 15 روز میں درخواستیں دے سکتے ہیں۔