یوسف رضا گیلانی سینیٹ میں قائد حزب اختلاف مقرر

اسلام آباد،پاکستان پیپلزپارٹی کے رہنما یوسف رضا گیلانی کو سینیٹ میں قائد حزب اختلاف مقرر کر دیا گیا ہے۔یوسف رضا گیلانی سے متعلق نوٹیفکیشن سینیٹ سیکریٹریٹ نے جاری کیا۔پاکستان پیپلزپارٹی نے 30ارکان کی حمایت کے دستخط کے ساتھ درخواست چیئرمین سینیٹ کو جمع کرائی تھی۔پاکستان پیپلزپارٹی کے رہنما یوسف رضا گیلانی نے سینیٹ میں قائد حزب اختلاف کیلئے درخواست جمع کرائی تھی ۔پیپلزپارٹی کی رہنما شیری رحمان نے میڈیا کو بتایا کہ 30ممبرز کی حمایت کے دستخط کے ساتھ درخواست چیئرمین سینیٹ کو جمع کرائی ہے جن میں 21 پیپلزپارٹی، 2 اے این پی ،ایک جماعت اسلامی کا ممبر شامل ہے جبکہ 2 فاٹا، دلاور خان کے ازاد گروپ کے 4 ممبران نے حمایت کی ہے۔شیریں رحمان نے صحافی کے سوال کے جواب میں کہا کہ پی ڈی ایم کا کوئی جنازہ نہیں پڑھا گیا یہ پیپلزپارٹی کا حق تھا۔