اسلام آباد (آئی پی ایس )راولپنڈی ڈویلپمنٹ اتھارٹی میں 1 ارب 94 کروڑ روپے کرپشن کا معاملہ،نیب راولپنڈی کا سابق ڈی جی پی ایچ اے سیالکوٹ کے آبائی گھر پر چھاپہ جنید تاج کے گھر سے گاڑیوں کی دستاویزات اور غیر ملکی کرنسی برآمد، برآمد ہونے والی دستاویزات کو ریکارڈ کا حصہ بنایا جائے گا۔
ذرائع کے مطابق نیب نے چھاپے کے دوران مختلف کمپنیز کو ملنے والی رقوم کی تفصیلات بھی نیب نے حاصل کر لی، ذرائع کے مطابق ایم ایس ایڈیڈڈ کو 39 کروڑ 31 لاکھ روپے اور کار اسپیشلسٹ نیٹ ورک کو 11 کروڑ روپے فراہم کیئے گئے، ذرائع کے مطابق پوٹھوہار ایسوسی ایٹ کو 7 کروڑ 42 لاکھ اور ایس این کے اینڈ کمپنی کو 32 کروڑ 44 لاکھ روپے دیئے گئے، سلور سٹون کو 33 کروڑ 94 لاکھ روپے اور اسمارٹ کیوبڈ کو 30 کروڑ 97 لاکھ روپے منتقل کیے گئے، نازیہ نامی خاتون کو دو مرتبہ 10 کروڑ 69 لاکھ اور 45 لاکھ روپے منتقل ہوئے۔
، ذرائع کے مطابق وسیم قیصر کو 26 کروڑ 44 لاکھ روپے اور احتشام علی قریشی کو 3 کروڑ 27 لاکھ روپے منتقل ہوئے، ریٹائرڈ ڈائریکٹر آر ڈی اے آصف محمود جنجوعہ اور ریٹائرڈ اسسٹنٹ ڈائریکٹر خواجہ ارشد جاوید کو بطور ڈپٹی ڈائریکٹر فنانس نیب کی جانب سے 29 مئی نوٹس جاری کیے گئے، 2016 سے اب تک تعینات رہنے والے 14 ڈائریکٹرز ایڈمن و فنانس اور 5 ڈپٹی ڈائریکٹرز کی فہرست بھی نیب کے حوالے کردیے گئے۔
