اسلام آباد (سب نیوز) چیئرمین سینیٹ سید یوسف رضا گیلانی نے متحدہ عرب امارات کے 53 ویں قومی دن پر مبارکباد دیتے ہوئے کہا ہے کہ یو اے ای کی قیادت اور عوام کو قومی دن کی خوشیوں پر دلی مبارکباد دیتے ہیں۔
پیر کو اپنے ایک بیان میں انہوں نے کہا کہ پاکستان اور متحدہ عرب امارات کے تعلقات مثالی اور برادرانہ ہیں، یو اے ای کی ترقی اور خوشحالی پوری دنیا کے لیے ایک مثال ہے۔
چیئرمین سینیٹ نے یو اے ای کے عوام کے لیے نیک تمناؤں کا اظہار کرتے ہوئے کہا کہ متحدہ عرب امارات کی کامیابیاں خطے کے استحکام اور ترقی میں اہم کردار ادا کر رہی ہیں،پاکستان یو اے ای کے ساتھ اپنے مضبوط تعلقات کو مزید فروغ دینے کے لیے پرعزم ہے۔
