اسلام آباد (سب نیوز)سپریم کورٹ نے مبارک ثانی کیس کافیصلہ جاری کردیا۔فیصلہ کے مطابق وفاق اور پنجاب کی جانب سے 24 جولائی فیصلے میں غلطیوں کی تصحیح کیلئے درخواست دائرکی گئی ہے، درخواستوں کی بنیاد پر 19 علما اکرام کو نوٹس کئے گئے۔
فیصلے میں بتایا گیا ہے کہ علما کرام نے پیرا 7,42 اور 49 (ج) پر اعتراضات کئے، موقف سننے کے بعد 6 فروری اور 24جولائی کے فیصلے میں معترضہ پیراگرفس کوحزف کیا جاتا ہے۔
سپریم کورٹ نے کہا کہ تصحیح شدہ فیصلے کے بعد 6 فروری اور 24 جولائی کے فیصلے واپس لیے جاتے ہیں، ٹرائل کورٹ گزشتہ فیصلوں سے متاثر ہوئے بغیر ضمانت کیس کا ٹرائل چلائے۔
