بلوچستان پولیس میں بڑے پیمانے پر تقرر و تبادلے

کوئٹہ(نیوز ڈیسک)بلوچستان پولیس میں بڑے پیمانے پر تقرر و تبادلے کیے گئے جس کا نوٹیفکیشن بھی جاری کردیا گیا۔
تفصیلات کے مطابق بلوچستان میں عبدالحئی بلوچ کو ڈی آئی جی کوئٹہ اور اعتزاز گورائیہ کو ڈی آئی جی سی ٹی ڈی تعینات کردیا گیا، 10 ڈویژنز کے ڈی آئی جیز اور 21 اضلاع کے ایس ایس پیز کے تقرر و تبادلے کا نوٹیفکیشن جاری کیا گیا۔
نوٹیفکیشن کے مطابق محمد معروف ڈی آئی جی ژوب، نذیر احمد کرد ڈی آئی جی لورالائی اور وزیر خان ناصر کو ڈی آئی جی کے عہدے پر رخشان تعینات کردیا۔
اس کے علاوہ محمد مراد کانگرو ایس ایس پی قلات، کیپٹن نوید عالم کو ایس ایس لسبیلہ تعینات کردیا گیا، آصف مستوئی کو ایس پی حب، حسین لہڑی کو خضدار کا ایس ایس بنا دیا گیا۔
جاری کردہ نوٹیفکیشن کے مطابق عبدالعزیز جکھرانی ایس پی خاران اور عبدالحفیظ کو جکھرانی ایس پی چاغی تعینات کردیا گیا۔