Monday, April 22, 2024
ہومپاکستانزرداری کا ٹیلیفونک رابطہ، نواز شریف کو اِن ہائوس تبدیلی کیلئے قائل کر لیا

زرداری کا ٹیلیفونک رابطہ، نواز شریف کو اِن ہائوس تبدیلی کیلئے قائل کر لیا

اسلام آباد،لانگ مارچ کے معاملے پر میاں نوازشریف اور آصف علی زرداری کے درمیان ٹیلیفونک رابطوں میں اہم پیش رفت سامنے آ گئی۔

سابق صدر نے ان ہاوس تبدیلی کے لیے لیگی قائد کو قائل کرلیا۔ذرائع کے مطابق حکومت مخالف اپوزیشن جماعتوں کا حکومت کو گرانے کی ہر آپشن استعمال کرنے پر مکمل اتفاق ہوگیا ہے۔ پیپلزپارٹی اور مسلم لیگ ن کا اتحاد ہر صورت برقرار رکھنے پر اتفاق ہوا ہے۔پیپلز پارٹی کے مطابق سابق صدر آصف علی زرداری ان ہاوس تبدیلی پر پراعتماد ہیں۔ سابق صدر آصف علی زرداری نے ان ہاوس تبدیلی کے لیے نواز شریف کو قائل کرلیا۔ ن لیگ نے پیپلزپارٹی کی ان ہائوس تبدیلی کی مکمل حمایت کرنے کاعندیہ دیدیا ہے۔ذرائع کا کہنا ہے کہ پی ڈی ایم ان ہائوس تبدیلی۔استعفوں، لانگ مارچ اور دھرنے کا آپشن استعمال کرے گی۔ سینیٹ الیکشن کے فوری بعد پی ڈی ایم کی قیادت ان آپشنز پر غور کیلئے سر جوڑے گی، پیپلز پارٹی کے مطابق پیپلز پارٹی لانگ مارچ سے قبل ان ہاس تبدیلی کا آپشن استعمال کریگی۔ اگر پیپلز پارٹی ان ہائوس تبدیلی کے لیے نمبر گیم پوری کرلیتی ہے تو پی ڈی ایم حمایت کرے گی جبکہ تینوں رہنمائوں نے حکومت پر مسلسل مزید دبا بڑھانے کے لیے تحریک انصاف کے ناراض رہنمائوں سے بھی رابطوں کا فیصلہ کرلیاگیا۔ذرائع کے مطابق پیپلزپارٹی نے استعفوں کے آپشن پر مکمل رضا مندی کا اظہار کر دیا ہے جبکہ ان ہائوس تبدیلی کے آپشن کی ناکامی کی صورت میں پیپلزپارٹی کی استعفوں کے آپشن پر مشروط آمادگی ظاہر کر دی ہے۔ لانگ مارچ کے موقع پر استعفوں کا آپشن عوامی ردعمل پر منحصر ہوگا۔