Saturday, January 28, 2023
Google search engine
ہومپاکستانمحکمہ موسمیات نے خطرے کی گھنٹی بجا دی

محکمہ موسمیات نے خطرے کی گھنٹی بجا دی

اسلام آباد(سب نیوز)محکمہ موسمیات نے رواں ماہ میدانی علاقوں میں دھند اور پہاڑی علاقوں میں برف باری کی پیش گوئی کردی ۔

تفصیلات کے مطابق ماہ دسمبر کیلئے ملک میں موسم کی صورتحال کے حوالے سے رپورٹ جاری کر دی گئی ہے۔ محکمہ موسمیات کی پیشگوئی کے مطابق رواں سال کا آخری مہینہ ساتھ خشک جاڑا لائے گا۔ محکمہ موسمیات کے مطابق دسمبر میں ٹھنڈ خوب پڑے گی، سندھ، پنجاب، خبیر پختونخوا میں دھند اور اسموگ کا راج رہے گا۔پہاڑوں پر برف بھی خوب برسے گی لیکن بارشیں کھل کر نہیں برسیں گی۔

دسمبر میں موسم ذیادہ خشک ہونے اور کم بارشوں کا امکان ہے تاہم بالائی علاقوں میں ایک دو اسپل آ سکتے ہیں۔ جبکہ محکمہ موسمیات نے آئندہ 24 گھنٹوں کے دوران موسم کی صورتحال کے حوالے سے بھی رپورٹ جاری کی ہے۔بتایا گیا ہے کہ ملک کے میدانی علاقوں میں خشک اور سرد موسم کی وجہ سے شدید دھند پڑنے کا امکان ہے۔ میدانی علاقوں میں مسلسل خشک موسم کی وجہ سے رات اور صبح کے اوقات میں دھند کی شدت میں اضافہ ہو گا۔

گلگت بلتستان، کشمیر، شمالی بلوچستان اور بالائی خیبر پختونخوا میں موسم شدید سرد ہونے کا امکان ہے۔گلگت بلتستان، چترال، دیر، سوات، ما نسہرہ، کوہستان اور کشمیرسمیت دیگر پہاڑی علاقوں میں ہلکی بارش، برفباری ہونے کا بھی امکان ہے۔ میدانی علاقوں میں دھند کے باعث شہریوں کو آمدو رفت میں مشکلات کا سامنا کرنا پڑ سکتا ہے۔ یہاں واضح رہے کہ ماہ دسمبر کا آغاز ہونے کے بعد سے ملک کے بیشتر علاقوں میں موسم کافی سرد ہو چکا ہے۔ پنجاب میں سردی کی شدت اب بھی قدرے کم ہے، تاہم آنے والے دنوں میں زبردست سردی پڑنے کا امکان ہے۔

مقالات ذات صلة

آپ کی رائے

من فضلك ادخل تعليقك
من فضلك ادخل اسمك هنا
This site is protected by reCAPTCHA and the Google Privacy Policy and Terms of Service apply.

- Advertisment -
Google search engine

اہم خبریں