کراچی(سب نیوز)سندھ میں بلدیاتی انتخابات کے دوسرے مرحلے کے تحت کراچی اور حیدرآباد میں بلدیاتی الیکشن کے لیے پولنگ جاری ہے، پولنگ شروع ہونے کے کچھ دیر بعد ضلعی وسطی نارتھ ناظم آباد ٹاؤن کی یوسی 3 میں نقاب پوش نامعلوم افراد پولنگ سٹیشن میں گھس گئے ۔
تفصیلات کے مطابق پولنگ شروع ہونے کے کچھ دیر بعد ضلعی وسطی نارتھ ناظم آباد ٹاؤن کی یوسی 3 میں نقاب پوش نامعلوم افراد پولنگ اسٹیشن میں گھس گئے،نامعلوم افراد نے پولنگ عملے اور آر او کو ہراساں کیا،ریٹرننگ افسر نے بتایا کہ نامعلوم افراد نے ٹیکنیکل سامان میں چھیڑ چھاڑ کی کوشش کی،ذرائع کے مطابق نامعلوم افراد ایک سیاسی جماعت کی جھنڈا لگی گاڑیوں پر سوار تھے۔
