قومی کرکٹرعماد وسیم کے گھر ننھی پری کی آمد

اسلام آبادقومی کرکٹ ٹیم کے آل راونڈر اور پی ایس ایل ٹیم کراچی کنگز کے کپتان عماد وسیم کے گھر بیٹی کی پیدائش ہوئی ہے۔تفصیلات کے مطابق سماجی رابطوں کی ویب سائٹ ٹویٹر پر عماد وسیم نے خوشی کی خبر شیئر کرتے ہوئے بتایا کہ اللہ سبحان تعالی نے انہیں ڈھیر ساری خوشیوں سے نوازا ہے۔قومی کرکٹر نے مزید بتایا کہ ان کے گھر بیٹی کی پیدائش ہوئی ہے جس کا نام انہوں نے سیدہ عنایا عماد بتایا۔خیال رہے کہ عماد وسیم کی شادی اگست 2019 میں پاکستانی نژاد برطانوی لڑکی ثانیہ اشفاق سے ہوئی تھی۔