گومل یونیورسٹی میں طلبہ و طالبات کے ایک ساتھ بیٹھنے پر پابندی عائد

گومل یونیورسٹی ڈیرہ اسماعیل خان کی انتظامیہ نے طلبہ و طالبات کے ساتھ بیٹھنے اور گھومنے پر پابندی عائد کردی۔
ڈیرہ اسماعیل خان کی گومل یونیورسٹی کی انتظامیہ نے طلبہ و طالبات کے ساتھ بیٹھنے اور یونیورسٹی کی حدود میں گھومنے پھرنے پر پابندی عائد کرتے ہوئے حوالے سے نوٹیفکیشن بھی جاری کردیا ہے۔
نوٹیفکیشن میں کہا گیا ہے کہ تمام طلبہ و طالبات پر پارک، سڑک یا کسی بھی جگہ ایک ساتھ بیٹھنے پر مکمل پابندی عائد کردی گئی ہے۔
طلبہ و طالبات صرف اپنی کلاسز اور ڈیپارٹمنٹ کے کامن روم میں بیٹھ سکتے ہیں۔
نوٹیفکیشن کے مطابق اگر کسی طالب علم نے عائد پابندی کی خلاف ورزی کی تو اس کے خلاف سخت ایکشن لیا جائے گا۔